講起千葉縣，大家都一定會諗起東京迪士尼同埋Outlet shopping啦！ 除咗迪士尼其實千葉縣都仲有好多值得去嘅地方㗎~
千葉縣有各種大自然美景好似日本最長沙灘九十九里濱。不過今次要介紹嘅就唔係沙灘，而係超夢幻秘境~ 龜岩洞窟！

有「吉卜力瀑布」之稱嘅龜岩洞窟位於清水溪流公園之內，喺清水溪流廣場行5分鐘就到喇！

龜岩洞窟周圍被樹木包圍住，好似去咗龍貓動畫場景咁！

龜岩洞窟嘅景色會因應四季而改變，自然光穿過龜岩洞窟嘅洞口打落水面超夢幻！

如果喺特定嘅時間點仲有機會可以見到光線反射成心型！打卡一流！

知道大家都好想親身去睇，小編就搵咗心型光攻略比大家Bookmark！
日本春分3月20日以及秋分9月22日前後10天左右就係絕佳觀賞時機!
不過如果夏天去嘅話，光影會落喺相反方向㗎！早上6點30分到7點30分就係最佳時間。到11點後就睇唔到㗎喇~

大家快啲Bookmark定，等疫情過後就出發啦！

清水渓流広場（濃溝の滝・亀岩の洞窟）
地址: 〒292-0526 千葉県 君津市 笹1954

*以上資訊只供參考，如有任何變化或更改均以現場情況或商戶決定為準*