受疫情影響以來，旅遊業大受打擊，以往人山人海嘅京都清水寺變得超級靜，不過呢座古寺出現咗三個神秘嘅巨型訪客。

喺清水寺的樓梯上，一個巨型嘅紅色日本木偶出現，完全阻擋樓梯，目測木偶唔止10米闊。

巨型木偶唔係清水寺近來唯一奇怪嘅地方。西門竟然又豎立咗兩隻造形前衛嘅狛犬守護獸，同傳統狛犬形象好大分別。狛犬係日本神社常見嘅石像守護神，據說能夠抵禦邪靈，守護神社，類似石獅子。

原來係因為京都藝術節2022與城市建築同傳統crossover，以「古怪展覽空間」為題，令藝術家喺傳統景點惡搞一番。

巨型木偶係藝術家Yotta製作嘅充氣公仔，曾喺去年大阪萬博紀念公園亮相。至於兩隻狛犬，則係當代藝術家Kenji Yanobe喺2019年創作

*以上資訊只供參考，如有任何變化或更改均以現場情況或商戶決定為準*