fbpx

【新年好去處2024】荷里活廣場LINE FRIENDS新春裝置,4大行運打卡位+限定賀年精品

1 月 8, 2024 | 黃大仙 / 鑽石山 / 樂富, 香港, 玩樂

荷里活廣場今年新春打造「LINE FRIENDS meets PLAZA HOLLYWOOD」,由 2024 年 1 月 12 日至 2 月 25 日期間一眾 LINE FRIENDS 超人氣朋友包括 BROWN、CONY、SALLY 和 CHOCO換上全新的賀年新裝與大家一同迎接龍年!

商場打造 4 大行運打卡位,誠邀大家新春齊來行大運,把新年祝福與好運帶返屋企,共度喜氣洋洋嘅新春佳節!商場仲設首個「LINE FRIENDS『心』鎖情人橋」,你可以將「祝福心鎖」掛喺情人橋上,見證天長地久嘅愛情!歡迎一齊入嚟 LINE FRIENDS 嘅世界,投入盛大而熱鬧嘅新春派對!

「LINE FRIENDS 開運祈願亭」
為迎接幹勁十足嘅龍年,BROWN、CONY、SALLY同CHOCO手持利是、揮春及燈籠嚟到開運祈願亭,祝願大家龍年身體健康、如意吉祥!除咗可以同LINE FRIENDS一班朋友影相,仲可以敲響台中央嘅賀年花鼓,祈求新一年鼓舞飛揚、旗開得勝!




「LINE FRIENDS『心』鎖情人橋」
踏上4米長嘅LINE FRIENDS「心」鎖情人橋,橋上掛滿咗BROWN同SALLY嘅大頭造型燈籠,每個燈籠都有一個小燈謎同你一齊過元宵;適逢2024年情人節正值年初五,你仲可以換領「祝福心鎖」同掛喺情人橋上,見證永垂不朽嘅愛情,同祝願天下有情人雙雙對對!

「鬼馬醒獅隊」
由CONY帶頭,同BROWN同SALLY化身成鬼馬醒獅隊,一齊舞動色彩斑斕、造型威武嘅獅子,帶嚟精彩絕倫嘅梅花樁舞獅表演,歡迎大家加入成為醒獅隊嘅一份子,為大家送上歡樂同祝福,令現場滿載喜慶氛圍。

荷里活廣場更準備咗兩款同LINE FRIENDS合力推出嘅活動限定「LINE FRIENDS新春賀年精品」,其中包括「LINE FRIENDS賀年字畫套裝」同「LINE FRIENDS手機掛繩連夾片」,顧客可以憑即日嘅電子貨幣消費單據或VIC會員可以憑積分換領,數量有限,先到先得,換完即止。

荷里活廣場「LINE FRIENDS meets PLAZA HOLLYWOOD」
日期: 2024 年 1 月 12 日至 2 月 25 日
時間: 上午 10 時至晚上 10 時
地點: 鑽石山荷里活廣場 1 樓明星廣場

*以上資訊只供參考,如有任何變化或更改均以現場情況或商戶決定為準*

Klook.com
X