fbpx

【廣洲】石室聖心大教堂 英法時代建築勁有特色

3 月 5, 2021 | 中國, 玩樂

☉ 瀏覽次數 : 641

建於19世紀後期嘅「聖心大教堂」係中國最大羅馬天主教建築之一,大教堂由法國設計師設計,中國工匠建造,係全球第四座全石結構哥特式教堂建築。

教堂全部牆壁同柱子都係用花崗岩石砌造,1996年被列為全國重點文物保護單位,非常有歷史價值!

教堂有好多奇形怪狀嘅石雕,同埋華麗裝飾佈置,設計以中世紀嘅歐洲建築特色為基本,但同時又加入中國風格,好有特色!教堂外嘅巨大拱門係教堂嘅標誌,入到去可以欣賞以聖經場景裝飾嘅彩色玻璃窗,仲有木箱上嘅細緻雕刻,造工精緻,適合大家好好欣賞。




唔少人都話聖心大教堂可以同聞名世界嘅法國巴黎聖母院相媲美,去廣州時都會特意去打卡。教堂嘅主要建築師是係來自法國嘅Léon Vautrin,充滿法國風情嘅教堂非常宏偉,令人好似置身歐洲一樣。

如果大家都想睇吓有歷史文化價值,同時又好靚嘅建築,記得要去廣洲嘅石室聖心大教堂參觀啦!

*以上資訊只供參考,如有任何變化或更改均以現場情況或商戶決定為準*


猜你喜歡


Klook.com
X