迪士尼樂園係一個充滿童話色彩嘅地方，你或者有諗過成為其中一個角色人物！

而去過迪士尼樂園嘅你，最近迪士尼第五艘郵輪——「願望號」（Disney Wish）亦正式啟航，

唔知你又坐過未呢？

郵輪由內到外嘅設計都充滿童話故事嘅元素，相當夢幻！

整艘郵輪長341.13米、重144,000噸，

合共提供1,250間客艙，最多可乘載4,000名乘客㗎！

客艙以《魔髮奇緣》或《小美人魚》為主題，

房內仲設可以飽覽海景嘅落地窗～

而最高級嘅「皇家套房」，更加係用上高級傢俬，靈感嚟自《睡美人》!

其中兩間更加設有旋轉樓梯，同擺放彩色玻璃藝術品，

真係好似身處喺童話故事之中呀！

值得一提係，今次迪士尼「願望號」上，

仲增設首座「迪士尼海上樂園」——AquaMouse！

AquaMouse以米奇、米妮為主角，劃分家庭、兒童以及成人主題區～

家庭區中有一條760米長嘅透明滑水道環繞著頂層甲板，好刺激呀！

而為小朋友而設嘅區域，包括「漫威超級英雄學院」，

就可以畀3至12歲嘅小朋友同蜘蛛人、黑豹等超級英雄，

一齊訓練或組隊！

仲可以利用「太空山」、「巨雷山」背景去設計雲霄飛車，

再透過科技嚟「真實」乘坐體驗！

除此之外，郵輪上有三間家庭餐廳，

其中一間更加係全球首間以《冰雪奇緣》——Arendelle為主題嘅餐廳！

客人可以一邊享用挪威美食，一邊欣賞Elsa同雪寶演出，

進入劇場用餐體驗！

另一個同樣係全球首個「Worlds of Marvel」主題餐廳亦相當有睇頭！

客人要以唔同角色去接受任務挑戰，仲可以品嚐到以Marvel電影世界為靈感嘅食物㗎～

而第三間係充滿濃厚荷里活魅力嘅高級餐廳。

大廳以灰姑娘風格為設計概念，並以寶藍色同金黃色為主，

配上一條宏偉樓梯同埋華麗嘅佈景～

如果一對新人喺呢度舉辦婚禮，一定會好難忘！

迪士尼亦考慮埋大朋友嘅需要～

想享受假期？咁呢個「星際大戰超空間酒吧」就啱哂！

裡面仲有無邊際泳池、酒吧同池畔休息室嘅休憩空間～

仲有一間以《美女與野獸》為主題嘅牛扒餐廳，

喺浪漫氣氛下享用美食，欣賞海景！

呢度都係限定成人可以享用～

各位迪士尼迷，喺人生清單上除咗去齊全球所有迪士尼樂園之外，

睇嚟而家仲要加多一項～

就係上埋迪士尼郵輪「願望號」(Disney Wish) 喇！

Source：迪士尼郵輪「願望號」(Disney Wish)官網

*以上資訊只供參考，如有任何變化或更改均以現場情況或商戶決定為準*