即將喺2021年春季開幕嘅「高雄流行音樂中心」，就座落喺愛河灣。呢個地標係由台灣聯同西班牙建築團隊一齊打造而成。呢個音樂文化地標喺外觀上加入咗唔少海洋元素，包括海浪、珊瑚、海豚等，相對獨特！

https://www.instagram.com/p/CJbQQhvj9J5/

早前音樂中心就已經進行咗夜間試燈活動，範圍包括高低塔、大型室內流行音樂表演廳。透過採用耗電量較低嘅七彩燈，並配合光河海浪嘅動感元素，打造最浪漫嘅高雄港灣夜景！值得一提係，每種燈光顏色都有唔同嘅意思，就好似有豐富海洋生物嘅藍色，象徵珊瑚嘅粉色等，雖然只係試燈中，但眼前嘅景色已經靚到唔敢相信自己雙眼！

https://www.instagram.com/p/CGhsvb_jKFH/

目前呢度都只係逢星期六、日對外開放戶外區域，預計要到2021年春季先全面開放畀大家去朝聖。到時除咗有全區點燈之外，仲會有海豚步道、電競館、文創空間、海洋文化展示中心等，係咪好期待呢？下次去高雄旅行，有時間嘅話你都不妨嚟呢度參觀啦！

https://www.instagram.com/p/CGe83_djqTz/

高雄流行音樂中心
地址：高雄市鹽埕區大勇路3號

*以上資訊只供參考，如有任何變化或更改均以現場情況或商戶決定為準*