fbpx

【台灣】隱世阿里山仙氣車站!睇雲海日出聖地!

3 月 17, 2022 | 台灣, 玩樂

☉ 瀏覽次數 : 604

喺阿里山有5個重要嘅景觀,包括鐵路、森林、雲海、日出同晚霞,而其中二萬坪車站呢個地方就擁有了四個。

擁有「夕陽、雲海、森林、鐵路」四奇美景嘅二萬坪車站同塔山遙遙相望,可以講係台灣絕美嘅車窗車站,可以遠眺無敵美景。

由於阿里山森林鐵路目前只係通行到十字路車站,要前往二萬坪車站只能利用交通工具同步行,或者自已揸車。

搭「台灣好行」前往阿里山青年活動中心入口,沿中心外嘅道路步行約40分鐘就可抵達。

二萬坪車站距離阿里山青年活動中心僅1分鐘路程距離,不論係清晨睇日出、傍晚睇夕陽甚至夜晚睇星星,都係一個非常好嘅地點。建議可以入住一晚阿里山青年活動中心,順便行吓二萬坪鐵道步道,享受大自然森林。




成個二萬坪車站因為居高臨下,除咗有開闊嘅視野、亦因為目前為不營運車站,所以相對安全。車站平台本身非常遼闊,平面面積寬廣,影相打卡都非常適合。

二萬坪係一處寬廣嘅平台,好適合集散材木物資。目前因為風災而停止營運,未來會有復甦嘅計畫。對面嘅山就係塔山。二萬坪車站,集結了雲海、鐵道、森林、高山、步道等景觀,亦係成個阿里山鐵路車站中嘅其中特色之一,加上空曠、高空,夜晚觀都係非常之靚。

*以上資訊只供參考,如有任何變化或更改均以現場情況或商戶決定為準*


猜你喜歡


Klook.com
X