芋泥控一定要試！位於高雄嘅超浮誇人氣刨冰「張家豪功夫甜品」，不但只成碗都係芋泥＋煉奶呢個超邪惡組合，仲有三大粒芋球，一碗就有超多芋頭！

叫芋泥瀑布一啲都唔誇張！一大碗刨冰加上三大粒芋球，淋上滿滿芋泥同煉奶，芋泥超大方唔洗錢咁！滿到就流出嚟！

順滑嘅芋泥搭配刨冰上嘅黑糖醬，超香甜美味；綿密嘅芋泥球唔係太甜，夾住煉奶一齊食剛剛好；不想太甜嘅人也可以落少啲煉奶。

重點係份量超多價錢又平，一大碗芋頭牛奶冰只係60蚊台幣，仲可以另外加配唔同嘅配料，兩個人SHARE都好滿足～

滿滿芋泥＋煉奶真係超邪惡！

張家豪功夫甜品
高雄市鼓山區青海路127號

*以上資訊只供參考，如有任何變化或更改均以現場情況或商戶決定為準*