咁多蝦!!啲蝦唔洗錢咩!! 桃園平鎮一家店舖，有一款浮誇人氣招牌菜式，就係蝦蝦蝦、超多嘅蝦蝦炒飯～

呢款「蝦爆炒飯」，眼睛直接俾蝦海遮住，完全睇唔到底下有啲乜，炒飯在哪呢？

一般正常版本嘅炒飯係擺滿17隻蝦，而且仲剝好，唔洗自己剝蝦！重點係，呢啲都係新鮮蝦，唔係急凍蝦仁！

仲有浮誇「升級版炒飯」，30隻蝦放上去，炒飯直接俾蝦海覆蓋！

食到一半仲可以落少少沙律醬，瞬間變成唔同嘅風味。買飯仲會附上一碗蝦頭煲嘅湯，濃郁鮮甜配住飯一起食真係超滿足～不過咁多蝦，價格緊係有返咁上下，正常版炒飯17隻蝦200元台幣、升級版30隻蝦350元台幣。

橙-私廚料理
桃園市平鎮區振平街86號

*以上資訊只供參考，如有任何變化或更改均以現場情況或商戶決定為準*