fbpx

【北角好去處】油街實現全新展覽「油街焦點」!三大藝術家作品展!

3 月 3, 2023 | 天后 / 北角, 香港, 玩樂

由康文署主辦嘅「油街焦點」項目,3月1日起,喺油街實現舉辦,邀請咗3名藝術家,分別喺三個新舊展覽空間展出數碼科技及物料裝置為媒介嘅最新作品。

分別係活躍於香港嘅裝置藝術家唐納天、香港電子音樂人兼多媒體藝術家蔡世豪及內地藝術家陸揚。其中唐納天「幻石」及蔡世豪「謐‧衝」已率先喺油街倉庫展出;而陸揚嘅「獨生獨死香港體驗中心」展覽則會喺3月18日於油街玻璃屋開幕。

油街實現展覽2023|「幻石」– 唐納天
唐納天擅長構建複雜而模稜兩可嘅空間場景,喺「幻石」展覽中,從探索微觀宇宙美學出發,於展場搭建超現實地景,透過聲音、燈光及表演,引導觀眾進入似是而非嘅旅程。五個月展期中,藝術家會每星期調整展示內容。




油街實現展覽2023|「謐‧衝」– 蔡世豪
蔡世豪擅長以音樂與影像互動,拉闊觀眾對時間、地緣及空間聯想。以「謐‧衝」為展題,喺前身為遊艇倉庫嘅油街倉庫展覽空間內,透過360度投影海灘場景、急速稠密都市影像、自然海浪聲同電子音樂節拍,建構獨特空間。

陸揚嘅「獨生獨死香港體驗中心」展覽,官方尚未有詳情公布,其展覽將於3月18日至8月27日喺油街玻璃屋展出。

油街實現
地址:香港北角油街12號 油街實現
開放時間:星期一:下午2時 – 下午8時、星期二至日:上午10時 – 下午8時
前往方式:港鐵炮台山站 A 出口,直行約3分鐘即可到達。

「幻石」
日期:2023年3月1日-7月30日
地點:油街實現 油街倉庫2

「謐‧衝」
日期:2023年3月1日-7月30日
地點:油街實現 油街倉庫1

「獨生獨死香港體驗中心」
日期:2023年3月18日-8月27日
地點:油街實現 油街玻璃屋

更多詳情 : 油街實現

 

*以上資訊只供參考,如有任何變化或更改均以現場情況或商戶決定為準*

Klook.com
X