fbpx

【假日好去處】深圳/廣州4大室內滑雪場推介!附地址 / 交通 / 門票連結

2 月 8, 2024 | 中國, 玩樂

想體驗冰天雪地,有冇諗過去深圳同廣州滑雪呢?

今次小編揾嚟4大室內滑雪場,價錢平,而且設備又齊全,

啱哂一家大細、閨蜜情侶約埋嚟玩!

1. 深圳卡魯冰雪世界

呢個滑雪場喺2023年3月先開幕!




場內温度大約介喺零下3至5度之間。

因為採用模擬造雪技術,所以雪質更接近天然雪~

作為深圳最大嘅滑雪場,佔地約12,000平方米,主要分為以下三大區域:

滑雪區:以滑雪教學同練習為主
娛雪區:內有雪圈滑坡、螺旋滑梯、兒童挖掘機、兒童雪橇、兒童雪地車等項目
遊樂區:設有無動力遊樂設施

INFO.
地址:廣東省深圳市龍華區高爾夫大道15號觀瀾湖生態運動公社
入場時段: 早上10:00至下午12:30(上午場)/下午1:00至3:30(中午場)/下午4:00至6:30(下午場)/ 下午6:30至晚上8:00(夜場)
交通:地鐵4號線觀瀾湖站A出口

Klook:

Trip.com

===========

2. 阿爾卑斯冰雪世界

呢個滑雪場位於深圳世界之窗景區(入場無須購買世界之窗門票)

距離深圳灣口岸大約15至20分鐘車程,尚算方便!

場內主要分為兩個區域,分別係佔地約40,000呎嘅室內滑雪場及嬉雪場,

同埋超過20,000呎嘅溜冰場,温度維持喺零下4至6度。

值得一提係,呢度有一條約15米寬、70米長嘅專業滑雪道,

由上而下高度足足有約20米嘅落差,大人同小朋友仲可以免費玩車胎滑雪,刺激又好玩!

此外,場內多個打卡位相當受歡迎,例如:北歐小鎮、時空隧道、國王城,
有機會仲可以欣賞到透明冰雕同飄雪𠻹!

INFO.
地址:深圳深南大道9037號世界之窗歐陸風情街
營業時間:星期一至五早上11:00至晚上9:00、星期六及日早上10:00至晚上9:30
交通方法:深圳地鐵1號/2號線「世界之窗」站I出口
門票:溜冰票:人民幣90元起;嬉雪票:人民幣80元起 (門票可於Wechat購買)

=====
深圳世界之窗門票詳情:

Klook:

Trip.com:

===========

3. 深圳東部冰雪創新城

呢個滑雪場位於深圳鹽田區,喺2019年正式開幕!

場內總面積佔約100,000平方米,採用全真冰打造,令室內温度維持喺零下10度。

除咗滑雪體驗,仲有多個冰雪娛樂項目,

例如:冰雕、冰上單車、飛碟、迷你過山車等~

場內亦提供其他設備和服務,包括戶外BBQ同露營,

相信大人同小朋友都一定會玩到樂而忘返!

INFO.
地址:深圳市鹽田區鹽田街道鹽田路3號保惠冷鏈物流園
營業時間:早上10:30至下午6:00(下午5:00 停止入場)
交通:深圳地鐵2號線深外高中地鐵站B2出口

===========

4. 廣州熱雪奇蹟(原為融創雪世界)

除咗深圳滑雪場之外,廣州嘅滑雪場同樣有睇頭!

呢個滑雪場喺2019年開幕,至今仍然係全球第二大室內滑雪場!

滑雪區提供咗五條唔同難度嘅滑雪道,

吸引咗唔少準備去日本、韓國、歐洲地方滑雪嘅朋友預先嚟學習!

至於娛雪區就設有雪上飛碟、採險步道、冰上碰碰車、冰上自行車、飛躍冰川、七彩冰雕,相當多元化!

喺廣州融創文旅城,滑雪場都只係其中一部分~

附近仲有三間酒店同埋水上樂園、機動遊戲、美食廣場同商場,

有時間可以嚟玩返幾日!

INFO.
地址:廣東省廣州市花都區鳳凰北路78號融創文旅城
營業時間:早上10:00至晚上10:00(晚上8:00停止入場)
交通方法:由港鐵西九站乘坐高鐵至廣州南站/廣州東站,再轉乘的士
Klook:

Trip.com:

*以上資訊只供參考,如有任何變化或更改均以現場情況或商戶決定為準*

Klook.com
X