以出色幻覺蛋糕而爆紅嘅Dear Harley，去年就喺尖沙咀K11 MUSEA同金鐘太古廣場開設快閃店，提供每日製作嘅優質新鮮水果蛋糕，今次就擴展到九龍塘！

佢哋嘅蛋糕都係採用從世界各地入口嘅時令水果製成，製作過程不含任何防腐劑或化學穩定劑，適合一家大小同孕婦享用！

又一城新店開幕，仲推出咗全新以茶味為主題嘅新鮮蛋糕卷。味道包括：日式焙茶、宇治綠茶、芋頭、伯爵茶、黑芝麻、咖啡及朱古力。

當然唔少得柔軟蓬鬆嘅海綿蛋糕，配以唔同嘅時令水果，新鮮香蕉配以香滑濃郁嘅拖肥夾心仲係皇牌產品。仲有人氣士多啤梨同厚切呂宋芒果！

Dear Harley Bakery
地址: 又一城 L1 近溜冰場 (Shop L1-KIOSK K1)

*以上資訊只供參考，如有任何變化或更改均以現場情況或商戶決定為準*