人氣日本生蠔放題新開中環分店，任食日本蠔、帆立貝、串燒及任飲生啤！套餐仲包括頭盤喜多嬉懷石八品、松葉蟹烏冬同甜品，真係好豐富！啱晒同班朋友聚會！生蠔鮮美creamy，絕對要食返十隻八隻！

新分店更寬敞，座位舒適。任食放題有兩個價位，兩個價位都係任食日本蠔及帆立貝，加100蚊就可以任食串燒同任飲生啤！

喜多嬉懷石風放題 HK$498/位：頭盤 喜多嬉懷石八品、二道 松葉蟹舞茸五島手延烏冬配白象貝濃湯及任食日本蠔及帆立貝。
喜多嬉懷石風放題+甜品及任飲生啤HK$598/位：頭盤 喜多嬉懷石八品、二道 松葉蟹舞茸五島手延烏冬配白象貝濃湯、任食串燒、日本蠔及帆立貝、任飲生啤及甜品 北海道葡萄酒雪葩最中餅。

套餐包括一份精緻頭盤——喜多嬉懷石八品，包括伊勢海老羊羹、雲丹松葉蟹黃金膏配蟹醋啫喱、手工月見燒雞軟骨棒、炭燒活饅 (二食)、明太子拌秋葵、喜多嬉牡蠣茶漬飯、愛知縣白象貝刺身同季節沙律。每款都精緻可口。

食完頭盤再食份烏冬——二道松葉蟹舞茸五島手延烏冬配白象貝濃湯，湯底鮮甜，蟹肉清甜，烏冬彈牙滑溜。

食完頭盤同烏冬，正式開始食放題啦！北木島喜多嬉蠔場的生蠔及日本產帆立貝質素幾好，必Encore！

任食串燒選擇都幾多，調味主要以鹽燒為主，唔會太鹹，可以食多幾串。

蒜香一口牛肉質軟嫩，可以食多幾碟！

放假快啲約friend去試下啦，餐廳一位難求，想試就要提早預約啦！

北木島喜多嬉牡蠣屋

地址：中環些利街2號LL Tower 3樓

營業時間：中午12時 至 晚上11時30分

*以上資訊只供參考，如有任何變化或更改均以現場情況或商戶決定為準*